പോ​ലീ​സ് ക​സ്റ്റ​ഡി​യി​ലെ​ടു​ത്ത് കൊണ്ടുപോകുന്നതിനിടെ ജീ​പ്പി​ൽ നി​ന്നു ചാ​ടിയ പ്ര​തി മ​രി​ച്ചു; ചാടിയതെന്തിനെന്ന അന്വേഷണത്തിൽ കണ്ടെത്തിയത്…

തൃ​ശൂ​ർ: പോ​ലീ​സ് ക​സ്റ്റ​ഡി​യി​ലെ​ടു​ത്ത് സ്റ്റേ​ഷ​നി​ലേ​ക്ക് കൊ​ണ്ടു​പോ​കു​ന്ന​തി​നി​ടെ ജീ​പ്പി​ൽനി​ന്ന് ചാ​ടി​യ പ്ര​തി ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ മ​രി​ച്ചു.

തി​രു​വ​ന​ന്ത​പു​രം വ​ലി​യ​തു​റ സ്വ​ദേ​ശി സ​നു സോ​ണി​യാ​ണ് (30) ഇ​ന്ന​ലെ രാ​ത്രി തൃ​ശൂ​ർ മെ​ഡി​ക്ക​ൽ കോ​ള​ജി​ൽ ചി​കി​ത്സി​യി​ലി​രി​ക്കെ മ​രി​ച്ച​ത്.

വ്യാ​ഴാ​ഴ്ച രാ​ത്രി​യി​ലാ​ണ് സ​നു​വി​നെ പോ​ലീ​സ് ക​സ്റ്റ​ഡി​യി​ലെ​ടു​ത്ത​ത്. പ​ഴ​യ വാ​ഹ​ന​ങ്ങ​ളു​ടെ ഇ​ട​പാ​ടു ന​ട​ത്തു​ന്ന വെ​ബ്സൈ​റ്റി​ൽ ക​ണ്ട് വ​ണ്ടി വാ​ങ്ങാ​ൻ തൃ​ശൂ​രി​ലെ​ത്തി​യ സ​നു ബാ​റി​ൽ ക​യ​റി മ​ദ്യ​പി​ച്ചു.

ഇ​തി​നു​ശേ​ഷം പു​റ​ത്തി​റ​ങ്ങി​യ ഇ‍​യാ​ൾ റോ​ഡി​ലെ ആ​ളു​ക​ളു​മാ​യി വാ​ക്കേ​റ്റ​ത്തി​ൽ ഏ​ർ​പ്പെ​ടു​ക​യും കൈ​യി​ലു​ണ്ടാ​യിരു​ന്ന ക​ത്തി​വീ​ശി ഭീ​ക​രാ​ന്ത​രീ​ക്ഷം സൃ​ഷ്ടി​ക്കു​ക​യുമാ​യി​രു​ന്നു.

സം​ഭ​വ​മ​റി​ഞ്ഞ് സ്ഥ​ല​ത്തെ​ത്തി​യ ഈ​സ്റ്റ് എ​സ്ഐ​യു​ടെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം ഇ​യാ​ളെ പി​ടി​കൂ​ടി സ്റ്റേ​ഷ​നി​ലെ​ത്തി​ച്ചു. തു​ട​ർ​ന്നു ന​ട​ന്ന അ​ന്വേ​ഷ​ണ​ത്തി​ൽ ഇ​യാ​ൾ വ​ലി​യ​തു​റ സ്റ്റേ​ഷ​നി​ൽ വ​ധ​ശ്ര​മ​കേ​സി​ലെ പ്ര​തി​യാ​ണെ​ന്ന് തെ​ളി​ഞ്ഞു.

ഇ​തി​നി​ടെ ഇ​യാ​ളെ ക​സ്റ്റ​ഡി​യി​ൽ​വ​യ്ക്കാ​ൻ വി​യ്യൂ​രി​ലേ​ക്ക് കൊ​ണ്ടു​പോ​കു​ന്ന​തി​നി​ടെ​യാ​ണ് ഇ​യാ​ൾ വ​ട​ക്കേ സ്റ്റാ​ൻ​ഡി​നു​സ​മീ​പ​ത്തു​വ​ച്ച് പോ​ലീ​സി​നെ വെ​ട്ടി​ച്ച് ജീ​പ്പി​ൽനി​ന്ന് പു​റ​ത്തേ​ക്ക് ചാ​ടി​യ​ത്.

ത​ല​യ​ടി​ച്ചു താ​ഴെ വീ​ണ ഇ​യാ​ളെ പോ​ലീ​സ് ഉ​ട​നെ മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചു. ത​ല​ച്ചോ​റി​ൽ ര​ക്തം ക​ട്ട​പി​ടി​ച്ച നി​ല​യി​ലായിരുന്നു. പി​ന്നീ​ട് വെ​ന്‍റി​ലേ​റ്റ​റി​ലേ​ക്കു മാ​റ്റി​യെ​ങ്കി​ലും ഇ​ന്ന​ലെ രാ​ത്രി ഒ​ന്പ​തോ​ടെ മ​രി​ക്കു​ക​യാ​യി​രു​ന്നു.

മൃ​ത​ദേ​ഹം പോ​സ്റ്റു​മോ​ർ​ട്ട​ത്തി​നു​ശേ​ഷം ബ​ന്ധു​ക്ക​ൾ​ക്ക് വി​ട്ടു​കൊ​ടു​ക്കും. സം​ഭ​വ​ത്തി​ൽ പോ​ലീ​സ് മ​ർ​ദ​ന​ത്തെ​തു​ട​ർ​ന്നാ​ണോ പ്ര​തി ജീ​പ്പി​ൽനി​ന്ന് ചാ​ടി​യ​തെ​ന്ന സം​ശ​യ​ത്തി​ൽ ക​മ്മീ​ഷ​ണ​റു​ടെ നി​ർ​ദേ​ശ​പ്ര​കാ​രം മേ​ലു​ദ്യോ​ഗ​സ്ഥ​ർ സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ചെ​ങ്കി​ലും ദു​രൂ​ഹ​മാ​യി ഒ​ന്നും ക​ണ്ടെ​ത്തി​യി​രു​ന്നി​ല്ല.